Санхүүгийн хориг арга хэмжээ авах байгууллага (ФАТФ)-ын ээлжит чуулга уулзалт 2023 оны 2 дугаар сарын 20-ноос 24-ны өдрүүдэд БНФУ-ын нийслэл Парис хотод боллоо. Энэ удаагийн чуулга уулзалтад олон улсын нийт 200 гаруй төлөөлөл оролцлоо.

ФАТФ-аас ОХУ-ын үйл ажиллагаа нь дэлхийн санхүүгийн системийн аюулгүй, бүрэн бүтэн байдлыг дэмжих зорилготой ФАТФ-ын үндсэн зарчмуудтай зөрчилдөж байгааг мэдэгдлээ. Эдгээр нь ФАТФ-ын стандартыг хэрэгжүүлэх, дэмжихээр тохиролцсон олон улсын хамтын ажиллагаа, харилцан хүндэтгэх амлалтыг зөрчиж байгаа бөгөөд ОХУ-ын гишүүнчлэлийг түдгэлзүүлэх шийдвэр гаргасан байна. Үүнээс гадна дараах асуудлуудыг хэлэлцэв. Үүнд:

• Индонези улсуудын ФАТФ-ын гишүүнчлэлийн асуудал;
• Индонези болон Катар улсуудын Харилцан үнэлгээний тайлан;
• ФАТФ-ын Зөвлөмж 24 буюу хуулийн этгээдийн эцсийн өмчлөгчийн ил тод байдалтай холбоотой гарын авлага;
• Эрх зүйн бусад зохицуулалттай хуулийн этгээдийн эцсийн өмчлөгчийн ил тод байдалтай холбоотой ФАТФ-ын Зөвлөмж 25-д нэмэлт өөрчлөлт оруулах тухай;
• ФАТФ-ын 2023-2025 оны Дэд Ерөнхийлөгчийн томилгоо;
• ФАТФ-ын 5 дахь шатны Харилцан үнэлгээний асуудлаар;
• ФАТФ-ын Зөвлөмж 15 буюу шинэ технологитой холбоотой хэрэгжилтийг сайжруулах асуудлаар;
• ФАТФ-ын 2023 оны жилийн сургалтын төлөвлөгөө;
• ФАТФ-ын 2022-2024 оны ажлын хөтөлбөр, хөтөлбөрийн хэрэгжилт гэх мэт асуудлыг хэлэлцэв.

Тус чуулга уулзалтаар Холбооны Бүгд Найрамдах Нигери Улс болон Өмнөд Африкын Бүгд Найрамдах Улсуудыг ФАТФ-ын мөнгө угаах, терроризмыг санхүүжүүлэхтэй тэмцэх стратегийн дутагдалтай улс орнуудын жагсаалт буюу “Саарал жагсаалт”-нд оруулсан байна. Харин Камбожийн Хант Улс болон Мароккогийн Хант Улсуудыг “Саарал жагсаалт”-аас гаргасан байна.

2023 оны 2 дугаар сарын байдлаар ФАТФ-ын саарал жагсаалтад дараах улс орнууд байна. Үүнд:

• Бүгд Найрамдах Албани Улс
• Барбадос
• Буркина Фасо
• Кеймэнн арлууд
• Бүгд Найрамдах Конго улс
• Гибралтар
• Хаити
• Ямайка
• Йорданы Хашемын Хаант Улс
• Мали
• Бүгд Найрамдах Мозамбик Улс
• Бүгд Найрамдах Панам Улс
• Бүгд Найрамдах Филиппин Улс
• Бүгд Найрамдах Сенегал Улс
• Өмнөд Судан
• Арабын Бүгд Найрамдах Сири Улс
• Бүгд Найрамдах Нэгдсэн Танзани Улс
• Бүгд Найрамдах Турк Улс
• Уганда
• Арабын Нэгдсэн Эмират Улс
• Бүгд Найрамдах Йемен Улс

Харин дараах улс орнууд ФАТФ-ын хар жагсаалтад байна. Үүнд:

• Бүгд Найрамдах Ардчилсан Солонгос Ард Улс
• Иран улс
• Мьянмар улс

Та бүхэн хурлаас гарсан үр дүнтэй дэлгэрэнгүй танилцахыг хүсвэл энд дарж орно уу.