Олон улсын хориг арга хэмжээ нь зөвхөн улс орон, хуулийн этгээдэд бус, хувь хүнд ч хамаарах тохиолдол байдаг. Хориг арга хэмжээний талаар мэдээлэлгүйгээс үүдэн хоригт орсон этгээдтэй санхүүгийн гүйлгээ хийх, үйлчилгээ үзүүлэх нь хууль зөрчсөнд тооцогдож, улмаар хуулийн хариуцлага хүлээх, цаашлаад өөрөө хоригт орох эрсдэлтэй. Иймд уг эрсдэлээс урьдчилан сэргийлэх зорилгоор олон улсын хориг арга хэмжээтэй холбоотой мэдээллийг танилцуулж байна.