Үндэсний эрсдэлийн үнэлгээ хийх ажлын хүрээнд Үнэт цаасны салбарын мөнгө угаах эрсдэлийг үнэлэх зорилго бүхий дэд ажлын хэсгийн хурал 2025 оны 4 дүгээр сарын 22-ны өдөр зохион байгуулагдлаа.

Хурлын үеэр Санхүүгийн мэдээллийн албанаас үнэт цаасны салбарын мөнгө угаах эмзэг байдлын үнэлгээг хэрхэн хийх талаар дэд ажлын хэсгүүдэд танилцуулга хийж, өмнөх Үндэсний эрсдэлийн үнэлгээний үр дүнг оролцогчдод мэдээлэв. Мөн эмзэг байдлын үнэлгээнд шаардлагатай дата мэдээллийн төрөл, тэдгээрийг цуглуулах аргачлал, цаашдын ажлын төлөвлөгөөний төслийг хэлэлцэн санал солилцов.

Энэ удаагийн Үндэсний эрсдэлийн үнэлгээ нь 2020 онд хийсэн эрсдэлийн үнэлгээг шинэчлэн боловсруулах ажлын хүрээнд хийгдэж байгаа бөгөөд үнэт цаасны салбарын мөнгө угаах эрсдэлийг бодитоор тодорхойлж, түүнээс урьдчилан сэргийлэх, бууруулахын тулд холбогдох бодлого, зохицуулалтын орчныг сайжруулах чухал ач холбогдолтой юм.