Даатгалын салбарын эмзэг байдлыг үнэлэх дэд ажлын хэсгийн хурал 2025 оны 4 дүгээр сарын 16-ны өдөр зохион байгуулагдлаа.

Хурлын үеэр Санхүүгийн мэдээллийн албанаас даатгалын салбарын эмзэг байдлын үнэлгээг хэрхэн хийх талаар танилцуулга хийж, өмнөх Үндэсний эрсдэлийн үнэлгээний үр дүнг оролцогчдод мэдээлэв. Мөн эмзэг байдлын үнэлгээнд шаардлагатай дата мэдээллийн төрөл, тэдгээрийг цуглуулах аргачлал, цаашдын ажлын төлөвлөгөөний төслийг хэлэлцэн санал солилцов.

Энэхүү үнэлгээ нь Үндэсний эрсдэлийн үнэлгээг шинэчлэн боловсруулах ажлын хүрээнд хийгдэж байгаа бөгөөд даатгалын салбарын эрсдэлийг илүү бодитоор тодорхойлох, холбогдох бодлого, зохицуулалтыг сайжруулахад чухал ач холбогдолтой юм.